Tibetan Alphabet Picture Book.
བྱིས་པའི་དེབ་ཀྱི་རེ་བ།
བོད་ཀྱི་སྐད་དང་ཡི་གེ་དུས་རྒྱུན་དུ་བཀོལ་སྤྱོད་བྱེད་ཀྱིན་མེད་པའི་ཁོར་ཡུག་ནང་འཚར་ལོངས་འབྱུང་བཞིན་པའི་བོད་ཀྱི་བྱིས་པ་དག་ལ་མཚོན་ན། བོད་རང་གི་སྐད་དང་ཡི་གེའི་རྨང་གཞི་བརྟན་པོ་འཇོག་པའི་གོ་སྐབས་ཧ་ཅང་དཀོན་ལ། དུས་རྒྱུན་གྱི་འཚོ་བའི་ཁྲོད་བཀོལ་སྤྱོད་དེ་བས་ཀྱང་དཀའ་བའི་གནས་སུ་གྱུར་ཡོད། སྤྱིར་བྱིས་པ་སྐྱེས་ནས་རང་ལོ་གསུམ་དང་ལོ་ལྔར་མ་སོན་བར་གྱི་དུས་ནི་བྱིས་པ་ལ་མཚོན་ན་ཕྱིའི་འཇིག་རྟེན་གྱི་བྱ་དངོས་ཡོད་དོ་ཅོག་ངོས་འཛིན་པའི་དུས་རིམ་ཡིན་ལ། དུས་ཡུན་ཐུང་ངུ་འདི་ནི་བྱིས་པའི་བློ་རིག་ཧ་ཅང་གསལ་ཞིང་མྱུར་བའི་དུས་ཡིན་པས། གལ་འགང་ཆེ་བའི་དུས་ཡུན་འདི་འདྲའི་ནང་དུ་ཕ་མ་རྣམས་ཀྱིས་རང་གི་བྱིས་པར་ཕ་སྐད་ཀྱི་རྨང་གཞི་ལེགས་པོ་ཞིག་བསྐྲུན་མ་ཐུབ་པར་སྐད་རིགས་གཞན་དག་རང་སྐད་དུ་ཆགས་བཅུག་ན། ཕྱིས་སུ་ཕ་སྐད་ཀྱི་རྨང་གཞི་ལེགས་པོ་ཞིག་འཇོག་རྒྱུ་དཀའ་བའི་གནས་སུ་གྱུར་འགྲོ་ལ། ད་ལྟའི་ན་གཞོན་ཁྲོད་བོད་ཡིག་བོད་སྐད་མི་ཤེས་མཁན་མང་དུ་འགྲོ་བཞིན་ཡོད་པའི་རྒྱུ་མཚན་ཀྱང་འདི་ལ་ཐུག་ཡོད་པར་སེམས། ཉམ་ཐག་གི་གནས་བབ་འདི་ལེགས་བཅོས་ཡོང་བར་བསམ་བློ་མང་དུ་བཏང་མཐར། དཀའ་ཁག་འདི་སེལ་བར་བྱིས་པས་དགའ་པོ་བྱེད་པའི་རི་མོའི་དཔེ་དེབ་གང་མང་འདོན་རྒྱུ་ནི་ཆེས་ལེགས་ཤོས་སུ་མཐོང་། དཔེ་དེབ་འདི་ནི་སྐྱེས་ནས་ལོ་ལྔའི་བར་གྱི་བྱིས་པའི་བསམ་བློའི་ཆུ་ཚད་དང་མཐུན་པར་རྩོམ་སྒྲིག་བྱས་ཤིང་། དེབ་ཆུང་འདི་ལ་བརྟེན་ནས་ཕྱི་ཡུལ་དུ་ཁ་འཐོར་ངང་གནས་པའི་བོད་ཁྱིམ་དག་ནས་ཕ་སྐད་གཙང་མའི་ལྗང་མྱུག་ཆུང་ཆུང་ཞིག་འབུས་ཐུབ་པའི་སྨོན་འདུན་དང་བཅས།
དོན་འགྲུབ་ཚེ་རིང་ནས།
10/18/18
Tibetan Baby’s First 100 Words Book.
བོད་ཀྱི་བྱིས་པའི་ཆེས་ཐོག་མའི་མིང་ཚིག་བརྒྱ།
དེབ་ཆུང་འདིའི་ནང་དུ། བྱིས་པ་ལོ་ཆུང་ཚོའི་བསམ་བློར་མཐུན་རྒྱུན་བཀོད་ཀྱི་བོད་པའི་མིང་ཚིག་ ༡༠༠ རི་མོ་དང་མཉམ་དུ་འདེམ་སྒྲིག་བྱས་ཡོད་ལ། དེ་ཡང་གོ་རིམ་ལྟར། ནང་མིའི་རྣམ་གྲངས། ལུས་ཀྱི་ཡན་ལག གོན་པ། ཟས་རིགས། རི་དྭགས་དང་། སྒོ་ཕྱུགས། ཁྱིམ་ཆས། འགྲིམ་འགྲུལ། རང་བྱུང་། ཁ་དོག་དང་དབྱིབས་སོགས་ཡོད།
Little monk and he’s Parrot
གྲ་བ་ཆུང་ཆུང་དང་ནེ་ཙོ།
གོང་ས་མཆོག་དང་ཁོང་གི་ནེ་ཙོའི་སྒྲུང་དེ་ཁོང་བྱིས་པའི་དུས་སུ་བོད་ཀྱི་ནོར་བུ་གླང་ཀའི་ནང་དངོས་སུ་བྱུང་བའི་སྒྲུང་ཞིག་ཡིན་ལ། ང་ཚོའི་ཁོང་གི་ཞལ་ནས་ཐེང་མང་པོར་གོ་མྱོང་། ད་ཐེང་ངས་རང་གི་ཤེས་ཚད་འཇོན་ཚད་ཀྱི་བྱིས་སྒྲུང་སུ་བརྩམས་ཏེ་ ་་བྱིས་བའི་དེབ་་ གྱི་ལས་འཆར་གསུམ་པར་དཔར་ཏུ་བསྐྲུན།
Tibetan baby’s first colors and number shape.
ཨང་ཀི། མཚོན་འདོག། དབྱིབས།
དེབ་ཆུང་འདིའི་ནང་དུ་བྱིས་པ་ཆུང་ཆུང་ཚོའི་བློ་ཁ་དང་མཚམས་པའི་ཆེས་ཐོག་མའི་ཨང་ཀི་དང་མཚོན་མདོག༼ཁ་དོག༽ དབྱིབས་དང་གཟུགས་རི་མོ་དང་བཅས་ཡོད་ལ།
Hummingbird and his mom
བྱིའུ་མཐེ་བ་དང་ཁོའི་ཨ་མ།
སྒྲུང་འདི་བོད་ཀྱི་དམངས་ཁྲོད་དུ་དར་ཁྱབ་ཆེ་བའི་སྒྲུང་ཞིག་ཡིནལ་། ང་རང་ཆུང་བའི་དུས་ངའི་ཨ་ཁུ་ཁོང་གི་ཞལ་ནས་ཐེབས་མང་པོར་ཉན་མྱོང་། ད་ཐེངས་ངས་རང་གི་ཤེས་ཚད་ཀྱིས་བྱིས་པའི་རི་མོའི་སྒྲུང་དུ་བཅོས་ཏེ། བྱིས་པའི་དེབ་ཀྱི་ལས་འཆར་ལྤ་པར་དཔར་དུ་བསྐྲུན་པ་ཡིན།
Tibetan , Vovels and Alephbet
དབྱངས་དང་གསལ་བྱེད་ངོས་འཛིན།
དེབ་ཆུང་འདི་ནི་ང་ཚོ་བྱིས་པའི་དེབ་ཀྱི་ལས་གཞི་དྲུག་པ་ཡིན། འདིའི་ནང་དུ་བོད་ཡིག་གི་ཆེས་ཐོག་མའི་གོམ་པ་དང་པོ་སྟེ་དབྱངས་གསལ་གཉིས་ངོ་སྤྲོད་དང་སྦྱོར་ཚུལ་བསྟན་ཞིང་། གཞན་དབྱངས་གསལ་རྐྱང་བ་ལས་གྲུབ་པའི་མིང་ཚིག་དག་རི་མོར་འབྲེལ་སྦྱོང་བརྡར་གྱི་ཚུལ་དུ་བཀོད་ཡོད་པས། དེབ་ཆུང་འདི་རྒྱུད་བྱིས་པ་ཚོས་ལས་སླ་བའི་ངང་བོད་ཀྱི་ཡི་གེ་བསླབ་བའི་གོམ་པ་དང་པོ་བདེ་ལེགས་ངང་སྤོ་ཐུབ་ལ། ནང་དོན་ལའང་སློབ་ཚན་གསུམ་དུ་བསྒྲིགས་ཡོད།
Tibetan, Prefix letters and Final Consonant letters.
སྔོན་རྗེས་ཡངས་གསུམ་ངོས་འཛིན།
དེབ་ཆུང་འདི་ནི་ང་ཚོ་བྱིས་པའི་དེབ་ཀྱི་ལས་འཆར་བདུན་པ་ཡིན་ལ། འདིའི་ནང་དུ་བོད་ཡིག་གི་སྔོན་རྗེས་ཡང་གསུམ་ངོ་སྤྲོད། མིང་གཞི་ལ་སྦྱོར་ཚུལ། དེ་དག་ལས་གྲུབ་པའི་རྒྱུན་བཀོད་ཀྱི་མིང་དང་དཔེ་བརྗོད་སོགས་རི་མོ་དང་བཅས་སྦྱོང་བརྡར་གྱི་ཚུལ་དུ་བཀོད་ཡོད།
Tibetan, Headed letter stack and Consonants with vowels.
མགོ་ཅན་གསུམ་དང་འདོགས་ཅན་བཞི་ངོ་སྤྲོད།
དེབ་ཆུང་འདི་ནི་ང་ཚོ་བྱིས་པའི་དེབ་ཀྱི་ལས་འཆར་བརྒྱད་པ་ཡིན་ལ། འདིའི་ནང་དུ་བོད་ཡིག་གི་མགོ་ཅན་གསུམ་དང་འདོགས་ཅན་བཞི་ངོ་སྤྲོད། དེ་དག་ལས་གྲུབ་པའི་རྒྱུན་བཀོད་ཀྱི་མིང་དང་ཚིག་གྲུབ་སོགས་རི་མོ་དང་བཅས་སྦྱོང་བརྡར་གྱི་ཚུལ་དུ་བཀོད་ཡོད།
Running way Rabbit.
རི་བོང་ཅལ་འདྲོག
སྒྲུང་འདི་བོད་ཀྱི་དམངས་ཁྲོད་དུ་དར་ཁྱབ་ཆེ་བའི་སྒྲུང་ཞིག་ཡིནལ་། ད་ཐེངས་ངས་རང་གི་ཤེས་ཚད་ཀྱིས་བྱིས་པའི་རི་མོའི་སྒྲུང་དེབ་དུ་བཅོས་ཏེ། བྱིས་པའི་དེབ་ཀྱི་ལས་འཆར་བརྒྱད་པར་དཔར་དུ་བསྐྲུན་པ་ཡིན།
Calf “Yare”.
“ཡ་རུ་”
ཞེས་པའི་རི་མོའི་སྒྲུང་དེབ་འདི་ཉིད། ད་ལྟ་ལོ་ན་ལྔ་ལ་སོན་པའི་ངའི་བུ་མོ་ཚེ་རིང་འཚོས་བྲིས་པ་ཡིན་ལ། སྒྲུང་འདིའི་བྱུང་ཁུངས་ནི་ད་ལོའི་ཟླ༧པའི་མཚན་མོ་ཞིག་ལ་བོད་ནས་ཨ་རིར་སྤྲོ་འཆམ་དུ་བསླེབས་པའི་ཡུལ་མི་ཞིག་དང་ལྷན་ཏུ་ཕ་ཡུལ་ཕྱོགས་ཀྱི་གནས་སྟངས་འགར་ལབ་གླེང་ཅི་འཕྲོས་གནང་སྟེ་ད་ལྟའི་ཆར་ཕ་ཡུལ་མདོ་དབུས་མཐོ་སྒང་གི་ས་ཆ་མང་བོའི་ནང་དུ་གཡག་དང་ཤབ་གཟན་རྣམས་བཙོངས་ཏེ་ཡ་རུ་དང་ལག་ག་མ་གཏོགས་མང་བོ་ལྷག་མེད་པའི་གནས་ཚུལ་ངོ་མའི་སྐོར་ནས་ཁ་བརྡ་ཞིག་བྱས་། སྐབས་དེར་ངའི་བུ་མོས་ཀྱང་རྩེད་མོར་གཡེང་ཞོར་ང་ཚོའི་ཁ་བརྡ་དེར་ཟུར་ཉན་བྱས་ནས་བསྡད་ཡོད། དེ་ནས་མོས་ང་ཚོའི་ཁ་བརྡའི་ནང་དོན་ལ་གཞི་བཅོལ་ཏེ་དྭངས་གཙང་བྱིས་པའི་འཆར་སྒོ་ལས། བདག་པོས་ཡ་རུ་བཙོང་བ། སྒོར་མོ་ལེན་པ། རླངས་འཁོར་ནང་ལ་སྐྱེལ་བ་སོགས་ཀྱི་བརྒྱུད་རིམ་ཆ་ཚང་ཞིག་རི་མོར་བྲིས་ཏེ་ཁྱད་མཚར་རྟོག་བཏེགས་ཀྱི་བྱིས་སྒྲུང་ཞིག་ཏུ་གྲུབ་ཡོད་པར། བྱིས་པ་ཆུང་ཆུང་རྣམས་ཀྱིས་དགའ་བོ་བྱེད་པར་ཐེ་ཙོམ་མེད། དེ་ཕྱིར་ངས་ཀྱང་བུ་མོ་ཆུང་ཆུང་ཁོང་གི་བྱིས་བློར་སྣང་ཚད་འདི་ཉིད་ཁོ་ན་སོར་བཞག་ཐོག་རྩོམ་སྒྲིག་བྱས་ཡོད།
The Secret of Baby Chin.
༼མ་ནེ་ནང་གི་གསང་བ།༽
ཞེས་པ་འདི་བོད་ཀྱི་དམངས་ཁྲོད་དུ་དར་ཁྱབ་ཆེ་བའི་བྱིས་པའི་ངག་རྩལ་སྦྱང་ཐབས་ཤིག་ཡིན་ལ། ད་ཐེངས་ངས་རང་གི་ཤེས་ཚད་ཀྱིས་བྱིས་པའི་རི་མོའི་སྒྲང་དེབ་ཏུ་བཅོས་ཏེ། བྱིས་པའི་དེབ་ཀྱི་ལས་འཆར་བཅུ་གཅིག་པ་དཔར་དུ་བསྐྲུན་པ་ཡིན། དེབ་ཆུང་འདི་ཡང་། བོད་ཀྱི་བྱིས་པ་རྣམས་རི་མོ་ནས་སྐད་དང་། སྐད་ནས་ཡི་གེ་བསླབ་པའི་ལམ་སྣེ་ལྟ་བུ་ཡིན། དེབ་ཆུང་འདི་ལ་བརྟེན་ནས་ཕྱི་ཡུལ་གྱི་བོད་ཁྱིམ་དག་ནས་ཕ་སྐད་གཙང་མའི་ལྗང་སྨྱུག་རེ་འབུས་པའི་སྨོན་འདུན་བཅས། དོན་འགྲུབ་ཚེ་རིང་ནས།
The ladybug.
འབུ་བན་དེ།
ཞེས་པའི་སྒྲུང་དེབ་འདི་ནི། ཚེ་རིང་འཚོའི་སྒྲུང་དེབ་གཉིས་པ་དང་། ༼བྱིས་པའི་དེབ༽ཀྱི་ལས་གཞི་བཅུ་གཉིས་པ་ཡིན། སྒྲུང་དེབ་འདི་ཡང་ཚེ་རིང་འཚོ་རང་ཉིད་ཀྱི་འཆར་སྣང་སོར་བཞག་གིས་བསྒྲིགས་ཡོད་ལ། དེ་ཡང་བྱིས་པ་རྣམས་ཀྱིས་འཇིག་རྟེན་གྱི་བྱ་དངོས་ཀུན་ལ་མཐོང་སྣང་དང་ཚོད་དཔག འཆར་སྣང་སོགས་ང་ཚོ་མི་དར་མ་དང་མི་འདྲ་བར། སླད་མེད་དྭངས་གཙང་དང་། ཡང་དག་པ་ཞིག་ཏུ་གནས་ཡོད་སྟབས། ཀློག་མཁན་བྱིས་པ་རྣམ་པར་སྒྲུང་ཐུང་འདིས་སྤྲོ་སྣང་མི་ཉུང་བ་ཞིག་སྤྲོད་པར་གདོན་མི་ཟ། བྱིས་པའི་ཆེས་ཐོག་མའི་སློབ་གསོ་ནི་བྱིས་སྒྲུང་ཡིན་པས། དེབ་ཆུང་འདི་ལ་བརྟེན་ནས་ཕྱི་ཡུལ་གྱི་བོད་ཁྱིམ་དག་ནས་ཕ་སྐད་གཙང་མའི་ལྗང་མྱུག་རེ་འབུས་པའི་སྨོན་འདུན་དང་བཅས།
ཁ་ཁ་ལྕགས་ལུང་མ།
ཀ་ཁ་ལྕགས་ལུང་མ།
རྩེག་རིས་སམ་སྐྱ་ཐིག་གི་བྱེད་ཐབས་སྤྱད་ནས་བོད་ཡིག་འབྲི་སྲོལ་སྤྱོང་བྱེད་། ང་ཚོའི་འདི་ལ་༼ཀ་ཁ་ལྕགས་ལུང་མ༽་ཞེས་ཞུ་གི་ཡོད། རྩེག་རིས། ཡང་ན་སྐྱ་ཐིག་དེད་དེ་རི་མོ་བྲི་བས་སྲོལ་རྒྱུན་འདི་གནའ་སྔ་མོ་ནས་ང་ཚོའི་རིགས་གནས་བཅུའི་ནང་གི་བཟོ་རིགས་པའི་ལྷ་བྲིས་ཀྱི་ཁོངས་སུ་ཡོད། ད་ཐེང་ང་ཚོའི་འདི་རུ་གཞི་རྒྱ་ཅུང་ཆེ་རུ་བཏང་དེ། བོད་ཡིག་གི་ལས་དང་པོ་བ་རྣམས་ལ་བོད་ཡིག་
འབྲི་སྤྱོང་ཐུབ་པའི་སློབ་གསོའི་རྩེད་ཆས་ཞིག་བཟོས་ཡོད། ཤོག་ངོས་རེར་མདུན་རྒྱབ་གཉིས་ལ་གསལ་བྱེད་ཡི་གེ་གཉིས་རེ་བཅས་བཞི་ཡོད་ལ། ཐོག་མར་མ་ཡིག་ལ་གསལ་བོར་ལྟོས་དེ་མིག་ལ་གོམ་སླ་བའི་ཆེད། ཐིག་འཕྲེང་གི་མགོར་མ་ཕྱི་ཡི་གེ་དེ་གསལ་བོར་ཡོདལ། དེ་ནས་སྨྱུག་རིམ་རེ་རེ་བཞིན་དུ་བཀོད་ཡོད་པས། རྩེད་ཆས་འདི་ལ་བོད་ཡིག་འབྲི་སྟང་སྦྱང་བའི་ནུས་པ་ཁྱད་དུ་འཕག་པ་ཞིག་ཡོད། ཁྱོད་ཀྱི་བྱིས་པའི་ལྷོད་ཡང་མེད་པར་བདུན་རེར་ནང་༼ཀ་ཁ་ལྕགས་ལུང་མ༽་འདི་ཐེང་རེ་རྩེད་ཐུབ་ན་མི་རིང་བར་ཁོས་གསལ་བྱེད་སུམ་བཅུ་འཐོག་མེད་དུ་འབྲི་ཐུབ་པར་ང་ཚོས་ཁག་ཐག་བྱས་ཆོག སློབ་བུ་རྣམས་ཀྱི་བརྩོན་པའི་ཀྱོ་བ་དེ་། བྱེད་ཐབས་ཡང་དག་པའི་རིགས་ལམ་གྱི་བསྐྲུན་པའི་ཀ་ཁའི་ལྕགས་ལུང་འདི་ལ་བསྐོན་ཚེ་བོད་ཡིག་གི་འབྲི་སྟང་མ་ཤེས་ཐབས་མེད་ཡིན། རྩེད་ཆསའདིའི་མདུན་རྒྱབ་འགྱིག་དང་བར་ཚང་ཤོག་བུ་ལས་འགྲུབ་ཡོད་སྟབས་སློབ་བུ་རྣམས་ཀྱིས་བྲིས་ནས་སླར་ཡང་ཁྲུས་ཆོག་ལ།
ཁྲུས་ནས་སླར་ཡང་བྲིས་ཆོག
བྱིས་པའི་དེབ་རྩོམས་སྒྲིག་པས།
སྤྱང་ཤིང།
སྦྱང་ཤིང།
སྲོལ་རྒྱུན་ལྟར་ན། སྦྱང་ཤིང་ནི་བོད་ཀྱི་བྱིས་པ་རྣམས་ཆུང་ཆུང་དུས་སུ་བོད་ཀྱི་ཡི་གེ་སློབ་པའི་ལས་ལ་འཇུག་པའི་མཁོ་ཆས་ཆེས་ཐོག་མ་ཡིན་ལ། ལྷག་པར་དུ་བོད་ཀྱི་ཡིག་གཟུགས་ལ་དབུ་ཅན་དབུ་མེད་གཉིས་སུ་ཡོད་པའི་ནང་གི་དབུ་མེད་ཡིག་གཟུགས་སྦྱང་བ་ལ་ཆེས་མེད་དུ་མི་རུང་བ་ནི་སྦྱང་ཤིང་ཡིན། བོད་ཀྱི་སློབ་བུ་ལས་དང་པོ་བ་དེ་ཚོའི་ལོ་འགའི་རིང་གི་འགྲོ་རོགས་འདུག་རོགས་ལྟ་བུ་ཡིན་ལ། སྦྱང་ཤིང་གི་ཐོག་ལ་ཐིག་འཐེན་སྟངས་ལ་མགོ་ཐིག་དང་། དཀྱིལ་ཐིག གཤམ་ཐིག་སོགས་དང་། ད་དུང་སྦྱང་ཤིང་དང་འབྲེལ་བའི་མཁོ་ཆས། སྨྱུག་གུ སྨྱུག་ཁ་བཅའ་སྟངས་སོགས་ལ་ཤིན་ཏུ་རྒྱུས་བ་ཡོད་ཀྱང་འདིར་མི་བཤད།
འདིར་ཆེས་བཤད་པར་སྤྲོ་བ་ནི། ད་ལྟ་དུས་རབས་ཉེར་གཅིག་པའི་ནང་དཔལ་འབྱོར་དང་མཐུན་རྐྱེན་སོགས་ཡར་རྒྱས་སུ་ཕྱིན་ཏེ། སློབ་མའི་སློབ་སྦྱོང་བྱེད་སྟངས་དེ་ཡང་མི་རིགས་ཀྱི་སྲོལ་རྒྱུན་ལས་རྒལ་ཏེ་འབྲི་དེབ་དང་མྱུ་གུའི་ཚབ་ལ་གློག་ཀླད་དང་ཁ་པར། སློབ་ཁང་གི་ནག་པང་དང་སྦྱང་ཤིང་གི་ཚབ་ལ་གློག་ཡོལ་དང་བརྙན་པར་སོགས་བཀོལ་ནས་འགྲོ་བཞིན་པའི་དུས་རབས་འདིར། ང་ཚོས་ཅིའི་ཕྱིར་དུས་རབས་རྙིང་བའི་ནང་བྱུང་བའི་སློབ་མའི་མཁོ་ཆས་ཆུང་ཆུང་དེ་ལ་གདེང་འཇོག་ཆེན་པོ་བྱེད་པ་དེ་ཡིན། སྤྱིར་ན་མི་རིགས་གང་ཡིན་ཡང་རང་རང་གི་སྲོལ་རྒྱུན་དང་གོམས་གཤིས་བཟང་བོ་གང་ཡོད་པ་དེ་མི་ཉམས་རྒྱུན་སྐྱོང་བྱས་ཏེ་སོ་སོའི་མི་རབས་རྗེས་མར་འཁོ་སྤྲོད་བྱེད་རྒྱུ་ནི་རང་ཉིད་མི་རིགས་དེར་སྐྱེས་པའི་འགན་དབང་ལྟ་བུ་རེད། ང་ཚོའི་བོད་མི་རིགས་འདི་ཡང་ཕྱི་དངོས་པོ་ཡར་རྒྱས་ཀྱི་ཐད་ལ་དེ་ཙམ་ཞིག་མེད་ན་ཡང་། ནང་བསམ་བློ་ཡར་རྒྱས་ཀྱི་ཐད་ལ་ཧ་ཅང་ཚད་མཐོ་སར་སླེབས་ཡོད་ཅེས་བཤད་ཆོག་ལ། དེ་དང་འབྲེལ་བའི་གོམས་གཤིས་དང་ཀུན་སྤྱོད་བཟང་བོ་གང་མང་མང་ཞིག་ཅིང་སྲོལ་རྒྱུན་ལྟར་དར་ཁྱབས་སུ་སོང་ཡོད། སྲོལ་རྒྱུན་དེ་དག་དང་འབྲེལ་བའི་རྒྱུན་བཀོལ་ཀྱི་དངོས་བོ་ཡང་གང་མང་ཞིག་ཡོད་པས། སྦྱང་ཤིང་ཡང་དེའི་ནང་གི་ཆེས་མངོན་ཆུང་གི་དངོས་བོ་ཞིག་ཡིན་།
དེང་སང་གི་སློབ་གྲྭའི་མཁོ་ཆས་དེ་དག་ལས་བྱུང་བའི་སློབ་མའི་ཞན་ཆ་གཙོ་བོ་འགའ་དང་བོད་ཀྱི་སྦྱང་ཤིང་གི་ཕན་ཡོན་སྐོར་ལ་ཚིག་འགའ་བཤད་ན། དུས་རབས་ཉེར་གཅིག་པའི་ནང་མི་རྣམས་བརྩོན་པ་ཧ་ཅང་ཆུང་ལ། ལེ་ལོ་དང་རྒྱུད་ལུགས་ཆེ་བའི་ཐོག་གློག་ཀླད་འཕྲུལ་ཆས་ཀྱི་མཐུན་རྐྱེན་ཤིན་ཏུ་མོད་པས་ན། རྐྱེན་དེ་དག་ལ་བརྟེན་ནས། ཤེས་བྱ་ཡོན་ཏན་དག་རང་གི་བློ་ངོར་སྦྱོར་བའི་གོམས་གཤིས་དེ་ཉུང་རུ་འགྲོ་བཞིན་ཡོད། གློག་ཆས་དེ་དག་ལ་བློ་ཁེལ་རྒྱུ་མང་དྲག་པའི་དབང་གིས་དཔེར་ན། སློབ་མཐར་ཕྱིན་ལ་ཉེ་བའི་ཞིབ་འཇུག་སློབ་མ་ཞིག་གི་གློག་ཀླད་ལ་སྐྱོན་ཤོར་ཏེ་དེའི་ནང་གི་ཡོད་ཚད་རྩ་མེད་དུ་གྱུར་བ་ན། རང་ཉིད་མལ་སར་ལྷུང་སྟེ་ཡོད་ཚད་སྟོངས་སང་ངེར་གྱུར་འགྲོ་བ་ལྟ་བུ་ལས་ཐབས་གཞན་མེད་ཚོད་གདའ། དཔེ་མཚོན་འདི་ལ་བལྟས་ན་སློབ་མ་དེས་ལོ་དུ་མར་སྦྱངས་པའི་ཤེས་བྱ་ཡོན་ཏན་དག་གློག་ཀླད་དེའི་ནང་གསོག་འཇོག་བྱས་ཡོད་པ་ལས་རང་ཉིད་ཀྱི་ཀླད་པའི་ནང་ཅི་ཡང་སྦྱོར་ཐུབ་མེད།
ད་ལྟའི་ཆར་བོད་ཡིག་བརྡ་འཕྲིན་ཁྲོད་དུ་ཚད་གཞི་དེར་སླེབ་མེད་ནའང་། སྐད་ཡིག་གཞན་པའི་རིགས་གློག་ཀླད་ནང་འབྲི་སྐབས་བརྡ་སྤྲོད་དང་དག་ཆ་ནོར་སྐྱོན་ཤོར་ཚེ་གློད་ཀླད་ཀྱིས་བཟོ་བཅོས་བྱེད་ཀིན་ཡོད་ལ། རང་ཉིད་ཀྱི་རྩོལ་བ་དང་ཀླད་པ་བེད་སྤྱོད་བྱེད་མི་དགོས་པའི་མཐུན་རྐྱེན་འདི་ལ་བརྟེན་ནས་དེང་སང་གི་སློབ་མའི་ཁྲོད་ཡི་གེའི་དག་ཆ་ཡག་པོ་ཡོད་མཁན་ཧ་ཅང་ཉུང་བར་སེམས། ང་ཚོ་འགྲོ་བ་མིའི་རིགས་ལ་ནུས་ཤུགས་མཐའ་མེད་པའི་དབང་བོ་ཞིག་ཡོད་པ་ནི་མིའི་ཀླད་པ་དེ་ཡིན་ལ་དེ་བེད་སྤྱོད་ཡག་པོ་བྱེད་མ་ཐུབ་པ་འམ་ཡང་ན་བེད་སྤྱོད་ལོགས་པར་གཏོང་བ་ནི་མིའི་རིགས་ཀྱིས་རང་ལ་བཟོས་པའི་ནག་ཉེ་ཆེ་ཤེས་དེ་ཡིན།
སྦྱང་ཤིང་ལ་མཚོན་ན། དགེ་སློབ་གཉིས་ཀྱི་ངོས་ནས་བཤད་ནའང་། དེ་འདྲའི་བཀོལ་སྤྱོད་བདེ་བོ་གཏན་ནས་མིན་ལ། འཁྱེར་བདེ་བོ་དང་སྙིང་རྗེ་བོ་དེ་ལས་ཀྱང་མིན་མོད། འོན་ཀྱང་ང་ཚོའི་ངེས་བར་དུ་ཤེས་དགོས་པ་ཞིག་ལ་ཤེས་བྱ་ཡོན་ཏན་གྱི་རིགས་གང་ཡིན་ཡང་སེམས་ནང་ལ་གཏན་འཇགས་སུ་སྦྱོར་དགོས་ན་དེ་དག་ཡང་དང་ཡང་དུ་ལུས་ངག་ཡིད་གསུམ་གྱིས་བསྐྱར་བཟློས་སམ་སྦྱང་བ་གང་མང་བྱེད་དགོས་། དེ་ལྟར་བྱས་ནས་སྦྱང་བ་གང་མང་བྱས་པའི་ཡིག་གཟུགས་དང་དག་ཆ་དོན་དག་གང་ཤེས་པ་དེ་སློབ་བུ་རང་ཉིད་ཀྱི་སེམས་སུ་གཏན་འཇགས་སུ་འབྱར་འགྲོ་ལ། སྦྱང་ཤིང་ལ་བྱིས་པ་ཆུང་ཆུང་ཚོར་དོན་དེ་དག་ལེགས་པར་བསྐྲུན་པའི་ནུས་པ་ཆ་ཚང་ཡོད། མི་རིགས་གཞན་པས་ཀྱང་བོད་ཀྱི་སྦྱང་ཤིང་གི་སློབས་གསོའི་བྱེད་ཐབས་འདི་བཀོལ་ཐུབ་ན་ཧ་ཅང་བཟང་། དེ་བས་ཀྱང་སྦྱང་ཤིང་ལ་དེ་རིང་གི་དུས་ཀྱི་གོ་ལ་ཟླུམ་པོའི་དཀའ་ངལ་ཆེ་ཤེས་ཤིག་ལ་མི་མངོན་པའི་ངང་གདོང་ལེན་བྱེད་ཐུབ་པའི་ནུས་པའང་ཡོད་། གང་ཡིན་ཟེར་ན་ནུབ་ཕྱོགས་པའི་ཁ་དཔེ་ལའང་་ཤོག་བུ་བཀོད་སྤྱོད་ཉུང་ན། ཤིང་སྡོང་སྐྱོབས་གི་ཡོད་་ ཟེར་བ་ལྟར། འཇིག་རྟེན་ཐོག་གི་ཤིང་ནགས་གཅོད་འབྲེག་ཚད་ལས་རྒལ་པས་རྐྱེན་གྱིས་འཛམ་གླིང་སྟེང་མཁོར་ཡུག་ལ་འགྱུར་བ་སོང་སྟེ་། འབྱུང་བཞིའི་གནོད་སྐྱོན་གྱིས་མི་ཟོག་མང་པོར་གོལ་ཆག་བྱུང་དང་འབྱུང་གིན་པ་དེ་རེད་།
ང་ཚོའི་རང་གི་མེས་པོ་དམ་པ་ཚོས་བཞག་པའི་སློབ་སྦྱོང་གི་མཁོ་ཆས་ཆུང་ཆུང་དེ་དུས་རབས་ཉེར་གཅིག་པའི་འགྲོས་དང་མཐུན་པར་གསར་བཟོ་བྱས་ཡོད་། ང་ཚོའི་གསར་བཟོ་བྱས་པའི་བོད་ཀྱི་སྤྱང་ཤིང་འདི་ལ་དམིགས་བསལ་ཁྱད་ཆས་གང་མང་ཞིག་ཡོད་པའི་ནང་གི་གཙོ་བོ་འགའ་བརྗོད་ན། སྦྱང་ཤིང་འདི་ལ་སྲོལ་རྒྱུན་གྱི་སྦྱང་ཤིང་བཞིན་ཉིན་ལྟར་ཐིག་འཐེན་མི་དགོས་ལ། སྣག་ཚ་ཡང་བྱུག་མི་དགོས། ཕྱོགས་ངོས་ཞིག་ན་དབུ་ཅན་དང་། ཕྱོགས་གཞན་པར་དབུ་མེད་སུག་རིང་གི་གསལ་བྱེད་སུམ་བཅུ་བོ་སྟོང་ཆའི་ཚུལ་དུ་ཡོད། བྱིས་པའི་ལོ་ལ་ངེས་མེད་ཀྱི་བཀོལ་སྤྱོད་བྱེད་ཆོག་ལ། ང་ཚོའི་གསར་བཟོ་བྱས་པའི་སྦྱང་ཤིང་འདིའི་རྒྱུ་ཆ་ནི། རྫས་རིགས་ཀྱི་མ་སླད་པའི་ཟས་སྣོད་ཀྱི་རིགས་ལ་བཀོལ་ཆོག་པའི་འགྱིག་གི་རིགས་ཡག་ཤེས་དེ་ཡིན་པས་། བྱིས་པའི་བདེ་ཐང་ལ་ཡང་གནོད་པ་མེད་པར་རྒྱུ་ཆ་ཕུན་སུམ་ཚོགས་པ་ཡིན།
མཐར་སྡོམ་དུ། ང་ཚོའི་གསར་བཟོ་བྱས་པའི་བོད་ཀྱི་སློབ་ཆས་འདི་ལ་རྟེན་ནས་བོད་ཡིག་ལས་དང་པོ་རྣམས་ཀྱི་ཕན་འབྲས་མི་ཉུང་བ་ཞིག་ལེན་ཐུབ་པར་སྨོན།